پاکستان انٹرنیشنل ایئر لائنز کی تقریباً ساڑھے 4 سال بعد پیرس کے لیے پہلی پرواز آج روانہ ہوگی۔
پی آئی اے کے ترجمان کے مطابق پی آئی اے اسلام آباد پیرس کے لیے ہفتہ وار 2 براہ راست پروازیں چلائے گی، جبکہ پہلی پرواز آج اسلام آباد سے پیرس کے لیے 12 بج کر 10 منٹ پر روانہ ہوگی۔
پیرس آنے اور جانے والی پہلی اور دوسری پروازوں کے لیے فلائٹ بکنگ فل ہو چکی ہے جو کہ بہت خوش آئند بات ہے۔
پی آئی اے نے انٹرانیٹ وائرلیس انٹرٹینمنٹ سسٹم کے ذریعے ان فلائٹ انٹرٹینمنٹ کے لیے بھی خصوصی انتظامات کیے ہیں۔
مسافر اپنے موبائل فون، ٹیبلٹ یا لیپ ٹاپ کمپیوٹر کے ذریعے ان فلائٹ انٹرٹینمنٹ استعمال کرسکیں گے۔
